Siglir tar il cuntegn
cuntegn

Svizra Il Cussegl federal reglescha ils detagls per la refurma d’asil

En futur duai la finanziaziun da l’agid social per fugitivs vegnir reglada da nov. Uschia vul el anc ina giada tractar la dumonda cun ils chantuns. Vinavant ha el reglà pliras midadas da la refurma d’asil. Uschia duai en futur la Confederaziun decider nua che novs centers d'asil vegnan.

Il center d'asil a Seewen en il chantun Sviz.
Legenda: Nua che novs centers d'asil vegnan duai en futur la Confederaziun decider. Keystone

En futur duai il Departament federal da giustia e polizia avair l’ultim pled en chaussa nua che novs centers per requirents d’asil vegnan construids. Era ha il Cussegl federal definì ils criteris tenor ils quals persunas pon vegnir tramessas enavos en lur patria. Uschia sto vegnir resguardà en l’emprima lingia la stabilitad politica e sco segund criteri èsi impurtant ch’il provediment da la sanadad sto esser uschè buns ch’in return en patria na periclitescha betg la sanadad da la persuna. E sco terz punct duai vegnir resguardà criteris specifics sco per exempel sch’ina gruppa da guerrila è activa en il pajais u en ina part dal pajais.

Avant in onn ha il suveran svizzer gia approvà la refurma d’asil. Enfin en dus onns duai ella uss entrar en vigur.

RR novitads 17:00