Siglir tar il cuntegn

Header

Ina dunna dat il maun ad in medi.
Legenda: Persunas grev malsaunas profiteschan da franschisas bassas. Keystone
cuntegn

Svizra Il Cussegl federal na vul betg auzar las franschisas

Ils assicurads na duain betg stuair pajar ina pli gronda cumpart dals custs da sanadad ord l'agen satg.

Il Cussegl federal refusa d'auzar la franschisa minimala, sco era ina quota persunala pli auta, e motivescha quai cun motivs sociopolitics. Sco quai ch'il Cussegl federal respunda ad in'interpellaziun, saja la participaziun als custs creschida bler pli ferm che las pajas. La franschisa na duai dentant betg crescher pli ferm che las entradas che stettian a disposiziun.

Era franschisa maximala duai restar

Ina resposta negativa dat il Cussegl federal era ad in’interpellaziun d’augmentar la franschisa maximala da 700 francs ad onn. Ina tala mesira haja ina pitschna influenza sin ils custs da l’assicuranza da malsauns obligatorica, e tutgass surtut quests assicurads cun grevs problems da sanadad.

SantéSuisse pretenda augment

Avant intginas emnas aveva il president da SantéSuisse e cusseglier naziunal da la PPS, Heinz Brand, pretais dapli atgna responsabladad dals assicurads. El avess gugent d’augmentar la franschisa minimala da 300 sin 500 francs.

RR Novitads 16:00

sda/ba

Artitgels legì il pli savens

Nach links scrollen Nach rechts scrollen