Siglir tar il cuntegn

Header

cuntegn

Svizra Il Cussegl dals chantuns vul tractar la strategia d’energia

Il Cussegl dals chantuns ha decidì da cumenzar la discussiun davart la strategia d’energia, quai cunter sulet 2 vuschs or da la retscha da la PPS.

Per ils blers commembers dal Cussegl dals chantuns èsi cler, che la midada sin il sectur d’energia è inevitabla. Ma gia en la debatta d’entrada èsi sa mussà ch’ils detagls dattan anc bler da discutar.

Sco emprim ha il Cussegl dals chantuns decidì da sbassar las finamiras per schlargiar la producziun d'energia regenerabla. La maioritad ha fatg quai en vista a decisiuns che duain anc succeder: la cumissiun predeliberanta vul limitar il temp ch'energia regenerabla vegn promovida, ed ella vul reservar 0,2 raps per ovras idraulicas existentas.

audio
Bunura: Energia regenerabla – quant ch’il Cussegl dals chantuns vul
ord Actualitad dals 22.09.2015.
laschar ir. Durada: 3 minutas 37 Secundas.

Il Cussegl federal aveva decidì suenter la catastrofa a Fukushima en il Giapun, da realisar la midada sin il sectur d’energia. Previs è a lunga vista da serrar las ovras atomaras en Svizra e da producir sulet energia regenerabla.

RR Novitads 06:00

Artitgels legids il pli savens