Siglir tar il cuntegn

Svizra Il Cussegl dals chantuns approva preventiv 2016

Cun gronda maioritad è il Cussegl dals chantuns per il preventiv ch'il Cussegl federal aveva proponì. Quai cun pitschnas midadas.

La cussegliera federala Eveline Widmer-Schlumpf sa fatschenta en il Cussegl dals chantuns cun il preventiv 2016.
Legenda: La cussegliera federala Eveline Widmer-Schlumpf sa fatschenta en il Cussegl dals chantuns cun il preventiv 2016. Keystone

Il Cussegl dals chantuns ha approvà cleramain il preventiv per l'auter onn ed er ils credits supplementars. Sco suletta midada visavi la proposta dal Cussegl federal ha il Cussegl dals chantuns concludì dapli daners per las uniuns tetgalas da las organisaziuns da famiglia.

Renvià ha el dentant las propostas pertutgant ils auzaments da budget per promover l'export e per Svizra Turissem che Stefan Engler da la PCD aveva inoltrà. Medemamain NA ha il Cussegl dals chantuns ditg ad ina dumonda d'auzar ils pajaments directs per l'agricultura.

Questa gievgia vegn il Cussegl naziunal a debattar davart il preventiv per l'auter onn.

RR novitads 14:00