Siglir tar il cuntegn
Inhalt

Svizra Il corp da guardias da cunfin vegn distgargià

Il parlament ha decidì ch'il corp da guardias da cunfin duai sa concentrar sin sias incumbensas principalas. Dad incumbensas lateralas sco il transport da migrants ni la surveglianza da centers da retschaviment duai il corp vegnir distgargià.

Controlla d'in pass svizzer sin in post da cunfin.
Legenda: Pervia da l'immigraziun hajan ins adina puspè stuì improvisar. Keystone

Il Cussegl dals chantuns è sa collià cun il Cussegl naziunal ed ha medemamain acceptà la moziun da Marco Romano (PCD). Il corp da guardias saja occupà cun survegliar ils cunfins e cun registraziuns da migrants. Incumbensas logisticas sappian vegnir surdadas a terzs, sco a la polizia dal militar.

Era il Cussegl federal è d'accord. Il cusseglier federal Ueli Maurer ha fatg attent ch'ins haja il 2016 gì dad improvisar bleras giadas pervi da la gronda immigraziun. Uschia hajan ils guardia cunfins per exempel stuì tgirar ed assister fugitivs durant la notg. Perquai duain mo las «incumbensas da suveranitad» restar tar il corp.

RR novitads 16:00