Siglir tar il cuntegn

Svizra Il basegn da cumprar in’arma crescha

L'onn passà han cleramain dapli persunas en Svizra fatg la dumonda per in permiss d'acquistar armas.

Armas en in truchet d’in ferrer d’armas svizzer.
Legenda: Armas en in truchet d’in ferrer d’armas svizzer. Keystone

En media saja il dumber da las dumondas s'augmentà per var 20%. Quai mussa ina retschertga che l'emissiun «10 vor 10» da la televisiun SRF ha fatg en 10 chantuns.

L'augment il pli marcant hai dà en il chantun Vad. Las dumondas per in permiss d'acquistar armas èn s'augmentadas là per 70%, sin passa 4'200. La polizia dal Vad declera quai cun in clima general da preoccupaziun.

RR Novitads 06:00