Il Comité internaziunal da la Crusch Cotschna (IKRK) vul crear relaziuns cun la milissa terroristica Stadi Islamic. Quai per pudair dar agid umanitar en ils territoris controllads dal SI en la Siria e l'Irac.
Il president da l’IKRK, Peter Maurer ha ditg quai envers il radio SRF a l'ur da la 32avla conferenza internaziunala da la Crusch cotschna e da la Mesaglina cotschna. Fin ussa saja l'access umanitar en ils territoris dal SI quasi nunpussaivel, uschia Maurer.
