Siglir tar il cuntegn
cuntegn

Svizra Ignazio Cassis sorta da la «Pro Tell»

Il minister da l'exteriur designà Ignazio Cassis ha desditg sia commembranza tar la societad «Pro Tell» che stat per in dretg d'armas liberal, quai suenter las reacziuns negativas.

Ignazio Cassis durant in pled.
Legenda: Ignazio Cassis è daventà commember da la societad il mais avant ch'el è vegnì elegì sco Cusseglier federal. Keystone

La raschun per quest pass èn las reacziuns negativas suenter che ses engaschament era vegnì enconuschent. En vista a las discussiuns publicas haja Cassis decis da sortir da la societad. La chanzlia federala ha confermà in rapport dal portal online «Nordwestschweiz». Cassis vegnia a represchentar il dretg liberal d'armas en il Cussegl federal e precis tuttina vegnia el a sustegnair las relaziuns bilateralas cun l'UE.

Cassis ha reponderà sia decisiun

Cassis era daventà commember da la societad per in dretg d'armas liberal il mais avant ch'el è vegnì elegì sco Cusseglier federal. La societad cumbatta ch'il dretg d'armas vegnia rinforzà en Svizra e va uschia sin curs da conflict cun l'Uniun europeica. Cassis fiss sco emprim Cusseglier federal daventà commember da questa societad.

Cassis sez aveva annunzià la sonda passada da laschar communitgar la chanzlia federala, ch'el saja vidlonder d'examinar sia commembranza tar pliras uniuns.

RR novitads 22:00