Siglir tar il cuntegn

Header

Navigaziun

Purtret d'in um che resgia giu ina palma.
Legenda: Fitg gronds guauds vegnan destruids per survegnir l'ieli da palmas. Keystone
cuntegn

Svizra Ieli da palmas: bancas sut squitsch e purs fan squitsch

Bancas svizras finanzieschan firmas che cuntrafan a dretgs umans. Para finanzieschian quellas bancas firmas che fan fatschenta cun ieli da palmas e cuntrafan a dretgs umans e leschas. Dentant era ils purs sa grittentan dal ieli.

Las bancas sut squitsch

Or da las retschertgas da las organisaziuns «Paun per tuts» ed «Unfrenda da curaisma», resulta che bancas svizras finanzieschian firmas d'ieli da palmas che cuntrafan a dretgs umans e leschas. Las organisaziuns pretendan perquai che las bancas guardian meglier sin la detta a talas firmas.

Ils concerns d'ieli da palmas giajan per chapital per novas plantaschas er tar bancas svizras. Cun eriger talas plantaschas cuntrafetschian ils concerns dentant savens a dretgs umans ed a leschas. Uschia dettia plantaschas che vegnian fatgas senza lubientschas dals abitants u ch'ellas destrueschan palìs.

Retschertgas da l'organisaziun nunguvernamentala, Walhi en l'Indonesia hajan mussà ch'era firmas cun sustegn da bancas svizras cuntrafetschian a las leschas. Quai schebain che las bancas svizras sa tegnan vid las reglas da l'ONU e las atgnas directivas.

En l'Indonesia vegn destruì en 1 onn terren d'ina grondezza da 300 plazzas da ballape! Ils abitants vegnan stgatschads da lur dachasa per che las firmas pon duvrar lur terren per plantar palmas dad ieli.
Autur: Kartini SamonCumbatta per il purs en l’Indonesia

Sulettamain la Credit Suisse haja investì passa 900 milliuns francs en l'industria d'ieli da palmas. Il pli pertutgà sajan l'Indonesia e la Malaisia. Per las plantaschas en l'Indonesia per exempel saja vegnì destruì passa 312 milliardas hectaras terren, er guaud tropic.

Ils purs fan squitsch

Las bancas vegnan sut squitsch entant ch'ils purs fan squitsch. La Svizra è per il mument vi da contractar ina cunvegna da commerzi liber cun l’Indonesia. L'Indonesia vul che la Svizra na stuess betg pajar dazi per importar l'ieli.

Questa cunvegna na sustegnan ils purs insumma betg di il president dals purs svizzers e cusseglier naziunal Markus Ritter. Uschia na vegnia l'ieli da purs svizzers insuma betg cumprà. Ma sco Ritter ha ditg na craja el betg che quai vegnia uschè enavant, perquai che politichers da la dretga enfin a la sanestra na sustegnan betg la cunvegna. El vegnia a tegnair avert las ureglias e guardar bain sin la detta dal cussegl federal ch'elavurescha quest contract da commerzi liber cul ‘Indonesia, ha accentuà Ritter.

RR novitads 12:00