Siglir tar il cuntegn

Header

Navigaziun

In bonsai en la naiv.
Legenda: Camuns – la naiv è vegnida. RTR, Linus Livers
cuntegn

Svizra I vegn pli e pli fraid – schelira suenter Pasca

La primavaira tempriva ha prendì ina ina fin: Il cunfin da naiv è tar radund 1’300 meters. In turnigl da pressiun bassa sur il nordost da l’Europa procura tenor SRF Meteo per aria frestga.

Suenter il cumenzament tempriv da la primavaira cun temperaturas autas èn las temperaturas crudadas: Responsabel per quest svilup è in turnigl da pressiun bassa sur il nordost da l’Europa. Ils proxims dis vegnan pli e pli fraids e per part spetga perfin ina schelira. Per blera flora che flurescha gia è quai tissi.

Sche l’aria fraida resta sur la Svizra datti er schelira

Quant engiu che la schelira vegn a vegnir dependa da las notgs che suondan e quant serain ch’ellas vegnan ad esser.

Las notgs sin mardi e mesemna paran anc dad esser ennivladas, en la notg sin gievgia pudess quai midar. Lura è da spetgar schelira cun temperaturas tranter -1 e -6 grad. Betg cler è dentant, sche l’aria fraida sa chatta lura anc sur la Svizra. I dat dimena la speranza, ch’i na vegn betg talmain fraid.

Flurs fin al culiez en la naiv.
Legenda: In purtret, che sa pudess repeter proximamain – questas flurs aveva il fotograf Arno Balzarini prendì si ils 19 d'avrigl 2014 en in iert a Malix. Keystone

50 centimeters naiv sur 1'000 meters

Fin glindesdi Pastgas è il cunfin da naiv tranter 1’000 e 1’500 meters sur mar. A partir dal mardi èsi da far quint cun naiv u granella fin giu en las valladas bassas. Al nord da las Alps centralas ed en il ost èsi sur 1’000 meters pussaivel, ch’i dat 50 centimeters naiv.

RR novitads 12:00