Oz curt avant las duas è il current electric curda ora en il center da la citad da Turitg. Tenor las ovras electricas da Turitg, EWZ, sajan duas staziuns da transfurmatur sa tschentadas ora automaticamain.
Curt avant las trais ha l’EWZ pudì quietar. «L’entira citad ha puspè electricitad.» Tenor in pledader da l’EWZ eran 1’400 bajetgs e quasi 5’300 clients pertutgads.
Differentas stizuns èn stadas en il stgir. Plirs trams n'han betg pudì cursar ed era las amplas da traffic èn stadas per part ord funcziun.
La raschun exacta, pertge che l'electricitad è crudada ora è l'EWZ anc vid sclerir.
