Siglir tar il cuntegn
cuntegn

Svizra «I dovra chaus ord l'economia per la politica»

La politica svizra dovra dapli interprendiders che s'engaschan. Quai manegia l'anteriur president d' economiesuisse e da la PLD - Gerold Bührer. Associaziuns economicas sajan impurtantas, ellas na remplazzian dentant betg ils interprendiders, ha ditg Bührer en in'intervista cun radio SRF.

purtret da Gerold Bührer
Legenda: Gerold Bührer, l'anteriur president da economiesuisse vul dapli interprendiders en la politica. Keystone

L'economia haja tralaschà da procurar ch'interprendiders s'engaschian en l'arena politica, uschia di Bührer.

Jau crai ch'igl è ina chaussa da la veglia. En mes cas han ins stgaffì las premissas organisatoricas per dar temp a mai per mes engaschi politic. Quai è pussaivel en ina firma gronda.
Autur: Gerold Bührercussegliader d'interpresas

RR novitads 06:00

Gerold Bührer

Dal 2006 fin il 2012 era Bührer (68) president d'econoiesuisse, l'uniun tetgala da l'economia. Dal 1991 fin il 2007 è el stà cusseglier naziunal da Schaffusa e dal 2001 fin il 2002 president da la PLD Svizra.