René Quellet è mort. Quellet era enconuschent ad in vast public sco partenari da Franz Hohler en l'emissiun «Spielhaus» da la televisiun svizra. La frasa tipica dad el era «I bi de René - I säge nüt».
Sco ses figl ha communitgà, saja René Quellet sa durmentà paschaivlamain en il ravugl da sia famiglia. El aveva 86 onns.
Enconuschent en l’entir mund
Quellet n'era dentant betg enconuschent mo en Svizra. Tenor ses figl haja l'autodidact cuntanschì cun sias preschentaziuns sin l'entir mund passa in milliun aspectaturs cun sia lingua universala da pantomima.
