Siglir tar il cuntegn
Inhalt

Svizra Hotels sbassan lur pretschs

Ils hoteliers svizzers sbassan ils pretschs, quai resulta da l'index da hotels Hotel Price. La raschun dastgass esser il schoc dal franc. Cun sbassar ils pretschs veglian ils hoteliers far frunt al ferm franc. Pli bunmartgads sajan surtut ils hotels en las destinaziuns pli favuraivlas.

hotel Garden Inn a Tavau
Legenda: Ils pretschs da chombras da hotel è sa sbassà en media da 197 fr. sin 194 fr. (maletg simbolic) RTR, R.Mühlemann

Da tut las 18 citads svizras che sajan vegnidas prendidas sut la marella sajan ils pretschs d'hotels sa sbassads il pli fitg a Losanna. En media han ils turists pajà en l'emprim mez onn en media 170 francs per ina pernottaziun. L'onn passà era quai anc 195 francs. Sin plazza dus suonda Winterthur cun ina reducziun da 20 francs sin radund 140 francs.

Era la pli chara destinaziun è vegnida in zic pli bunmartgada. Tenor il Hotel Price Index è il pretsch intermediar a San Murezzan sa reducì da 291 fr. sin 266 fr. Il segund char èn las chombras d'hotel ad Ascona cun 243 fr.

RR novitads 14:00