Hotellaria fa pretensiuns a la politica

L’associaziun professiunala «hotelleriesuisse» vul far frunt a las cundiziuns difficilas dal martgà – quai cun ina strategia clera e cun pretensiuns cleras a la politica. Uschia ha hotelleriesuisse communitgà da sia conferenza da medias a Montreux.

trais emploiads da hotel preparan la sala da mangiar

Legenda da maletgs: La hotellaria vul cumbatter sin plaun politic la mancanza da pernottaziuns. Keystone

Cunzunt il cumbat cunter ils auts pretschs en Svizra e l’engaschi per in access liberal ad emploiads exteriurs da tuts stgalims da qualificaziun sajan en il focus – uschia scriva hotelleriesuisse.

En l'avegnir quinta l'uniun da hotels cun ina midada marcanta en la structura da giasts. La vegliadetgna media dals giasts vegn a s'augmentar e dapli giasts da pajais lontans vegnan a viagiar en la Svira. Quai muntia in'ulteriur augment da las pretensiuns envers la branscha. Dumandà saja ina spezialisaziun, innovaziun e flexibladad.

Hotellerie Suisse pretenda ina tariffa da la taglia sin la plivalur da 3,8% che duai vegnir francada definitivamain. Plinavant vul l'uniun tetgala cumprar libramain la rauba en l'exteriur e mesiras cunter ils supplements svizzers nungiustifitgads.

RR novitads 16:00