Svizra - Hotellaria e gastronomia da muntogna sa midan fundamentalmain
La hotellaria ed la restauraziun stat en las muntognas avant midadas fundamentalas. Sco il president da Gastro-Suisse Casimir Platzer ha ditg a la radunanza generala a Soloturn pretendia la midada dal clima cun envierns senza naiv ina radicala orientaziun nova.
Tant las pendicularas sco er ils hotels cumbattian per mintga giast, ha ditg Platzer al inscunter ch’è i a fin suenter dus dis. Il mument vesia quai ora meglier per hotels en citads, qua stettia la gastronomia en cumparegliaziun anc sin ferm pè.
I saja dentant grev da persvader giasts dal exteriur da far vacanzas en Svizra pervi dals pretschs auts, ha ditg il president da GastroSuisse, Platzer.
