Holcim lantscha ultim pass per fusiun

Il concern da cement svizzer Holcim lantscha l'ultim pass per la fusiun cun il concurrent franzos Lafarge. Holcim haja cumenzà cun l'offerta da barattar tut las aczias da Lafarge, communitgescha l'interpresa svizra.

Signet da la Holcim.

Legenda da maletgs: Holcim è vegnì fundà il 1912 a Turitg ed è dapi il 2001 ina holding. Keystone

Per 10 titels da Lafarge porscha Holcim 9 agens titels. Va tut tenor plan po la fusiun da milliardas ir en vigur il fanadur.

Ils 7 d’avrigl han Holcim e Lafarge communitgà ch’els vulan s’unir cun barattar las aczias. Il nov concern LafaregeHolcim duai vinavant avair sia sedia en la Svizra, avair prest 140’000 lavurants ed far lura ina svieuta annuala da passà 30 milliardas francs. L'onn passà ha Holcim fatg ina svieuta da passa 19 milliardas francs.

RR novitads 08:00