La HIGA ha quest onn gì lieu sut il motto: simplamain il mars – uschiglio tut sco adina. Ins pudess però er dir: simplamain cun dapli visitaders – uschiglio tut sco adina. Il nov termin ha numnadamain attratg daplis a l'exposiziun ch'ha gì lieu dals 17 fin ils 25 da mars. E quai malgrà la bel'aura.
Perquai vegn er la proxima HIGA a star sut quest motto ed avair lieu pli baud che uschiglio, ha il manader da la messa Marco Engel confermà.
Naginas cifras exactas
Cifras exactas tar il dumber da visitaders n'hajan ils organisaturs però betg. Quai pervia d'in problem tecnic.
RR novitads 18:00