Siglir tar il cuntegn

Header

audio
HelveCHia: En Svizra vegnan puspè pressadas plattas
Or da Actualitad dals 23.06.2022.
abspielen. Laufzeit 3 minutas 19 Sekunden.
cuntegn

Trend da vinyl En Svizra vegnan puspè pressadas plattas

Vinyl è trendy. La dumonda per plattas da musica crescha. Perquai ha ina firma da l’Argovia decidì da producir puspè plattas. Quai è l’emprima firma en Svizra che fa quai dapi 20 onns.

Dapli l’onn 2004 n’èn betg pli vegnì producì plattas da vinyl en Svizra. Dapi quest mais è quai dentant puspè il cas. La firma Adon a Neuenhof (AG) ha decidì da porscher puspè la pussibilità da pressar plattas en Svizra. Uschia na ston musicistas e musicists svizzers betg pli ir en l’exteriur per laschar producir las plattas, di il manader da l’affar Andreas Krüsi envers la televisiun dad SRF.

Decisiun betg mo nostalgica, mabain plitost commerziala

L’emprim client è il musicist da blues Philipp Fankhauser. Per el è il tadlar musica cun plattas pli profund – ina profunditad che manca ad el cun tadlar musica a moda digitala. Dentant da producir puspè plattas n’è betg stà ina decisiun nostalgica, mabain ina commerziala, di Andreas Krüsi. Las firmas en l’exteriur che produceschan plattas per musicistas e musicists svizzers èn cudeschadas ora per lung temp. Uschia poi dar ch’ins sto spetgar passa in onn fin che la platta è pressada e pronta per vender. La platta na pudess perquai betg vegnir edida ensemen cun la versiun digitala.

Per il mument saja numnadamain la dumonda per plattas dus enfin trais giadas pli auta che la capacitad di Krüsi. Cun la pussibilitad da producir en Svizra la platta, pon musicistas e musicists svizzers profitar e publitgar pli spert lur musica era sin vinyl.

RTR actualitad 11:00

Artitgels legids il pli savens

Scrollar a sanestra Scrollar a dretga