Ina bucca dira dovran ils musicants e las musicantas che fan part al Basel Tattoo: I vegn trenà e trenà. Mintga musica per sasez e lura tut las musicas ensemen. La choreografia, quella duai funcziunar senza sbagls da l’entschatta fin a la fin.
Silvan Falett: «I n'è bunamain betg pussaivel ch'i va fauss»
Silvan Falett da la musica da recruts è segir, che tut vegn ad ir bain. Els hajan fatg tras il program tantas giadas, ch'i na possia baud betg ir faus.
Dentant datti schont anc in u dus detagls che duain vegnir meglierads. Per exempel hajan las lingias dad esser propi, propi gulivas ed era per la choreografia hajan tut ils recruts da midar posiziun exactamain il medem mument.
Ils recruts han er sa preparads mentalmain sin la show. En il chau hajan els fatg tras la show mintga bun’ura. I saja in mument spezial da pudair sunar al Basel Tattoo di Silvan Falett, perquai è el er in pau agità.
RR actualitad 08:50