Il deposit sutterran ch'è planisà a Nördlich Lägern vegn acceptà da la maioritad dals pertutgads. Radund 68% dals dumandads en la regiun van d'accord ch'il rument radioactiv duai vegnir sutterrà tar els. Tuttina din 17% ch'ellas na sa sentian betg prendidas serius cun lur temas e dumondas.
Quest’emna ha la NAGRA, la societad naziunala per il deposit da ruments radioactivs, avri in biro d’infurmaziun a Stadel. Il Biro duai gidar a la populaziun da sclerir dumondas enturn il deposit planisà. La NAGRA vul meglierar il barat cun la populaziun ha il pledader Philipp Senn ditg envers SRF.
71% da la populaziun svizra fidan als spezialists da realisar tecnicamain correct il deposit da ruments radioactivs. Quai èn 8% dapli ch'anc avant dus onns.
