Museum Alpin Berna - Regurdanzas dasper e sin pista
Ir cun skis tutga tar la Svizra sco la chapitscha sin il chau, scriva il Museum alpin. Ed ina chapitscha po esser in object plain regurdanzas. E precis quellas regurdanzas vul il museum ramassar en l’exposiziun da skis. In da plirs temas che duain suandar sut il titel «biro da chat da regurdanzas».
Visitaders duain daventar expositurs – quai vul il Museum alpin cun sia exposiziun davart l'ir cun skis en Svizra. Uschia han trais frars dal Haslital en il Oberland Bernais purtà ils skis ch’els han funcziunà enturn cun trais liadiras per ir ensemen cun ils skis – davant il vegl e davos il giuven. Els avevan avunda da la quietezza en lur dachasa: Els sajan giuvens e selvadis ed hajan decidì ch'els veglian ir en il showbusiness. L’exposiziun è plaina da regurdanzas da persunas da l'entira Svizra – sin e dasper la pista.
1 / 10
Legenda:
Il trio da skis. Trais frars ord il Oberland Bernais vulevan attrair l'attenziun cun lur skis cun trais liadiras. E qua valeva il principi d’anzianitad: Davant il vegl e davos il giuven.
Museum Alpin
2 / 10
Legenda:
Jean Pierre:
El na dovra betg la naiv per ir cun ils skis.
Museum Alpin
3 / 10
Legenda:
1965:
Telecabina da Moleson Village suenter la Vudella.
Museum Alpin
4 / 10
Legenda:
1970:
Ina pausa a Lenk.
Museum Alpin
5 / 10
Legenda:
1970:
Sin la pista a Lutry.
Museum Alpin
6 / 10
Legenda:
1970/80:
Uffants sin il Rigi.
Museum Alpin
7 / 10
Legenda:
1980:
Cun il snowboard a Konolfingen en l'Emmental.
Museum Alpin
8 / 10
Legenda:
1980:
Scola da skis a Crans Montana.
Museum Alpin
9 / 10
Legenda:
1982/83:
Ballet da skis a Kandersteg.
Museum Alpin
10 / 10
Legenda:
1993:
Skiunza da Fiesch.
Museum Alpin
Mintgin che vul, po s’annunziar cun sia regurdanza sur la pagina d’internet dal Museum alpin. Els n'hajan betg savì, sche l’idea chattia interess tar la glieud. Tant pli cuntent sajan els stads, cura ch'els hajan survegnì ina pluna material cun anc dapli regurdanzas, di il manader dal project Michael Fässler.
Legenda:
Michael Fässler:
El valeva en ils onns 80, cura ch'el era in mat giuven sco talent sin il snowboard. Enta maun tegna el sia emprim'assa che ses bab aveva construi per el. Ma atgnamain fiss el pli gugent ì cun skis.
RTR, Fabia Caduff
Da purtrets da radiografia, fotografias, video enfin tar dress da skis, pocals u skis antics è tut da chattar en l’exposziun. A maun dals objects vul ins raquintar l’istorgia da la cultura dad ir cun ils skis.
audio
HelveCHia – Regurdanzas dad ir cun skis en il Museum alpin a Berna
06:12 min, ord Actualitad dals 20.02.2020.
laschar ir. Durada: 6 minutas 12 Secundas.
In che studegia precis quella cultura è il professur per culturas popularas Bernhard Tschofen. El di che tras ils skis hajan las regiuns muntagnardas chattà la colliaziun cun la moderna.
Legenda:
Bernhard Tschofen:
El sa regorda: Cura ch'el era giuven giev’ins anc cun jeans e gamascha sin pista, sch'ins vuleva esser cool.
RTR, Fabia Caduff
Ils skis han midà las regiuns alpinas fundamentalmain.
La cultura da skis ha midà il turissem en las muntognas, dentant era la savida davart quellas – per exempel quai che pertutga las lavinas. La cultura da skis haja influenzà la populaziun alpina marcantamain.
