Siglir tar il cuntegn

Header

audio
Mezdi: Mustgins fan planscher ils da Thun
Or da Actualitad dals 25.10.2018.
laschar ir. Durada: 2 minutas 40 Secundas.
cuntegn

helveCHia Invasiun da mustgins a Thun

I para bunamain in saut. Dentant in saut curius: si e giu e vi e nà cun la bratscha ed ils mauns, squassar il chau e trair grimassas. Ils mustgins èn dapertut, dentant tut ils spergaments na gidan nagut. Enturn il Mühleplatz a Thun han millis da mustgins surpiglià la controlla.

La citad da Thun na po propi sa declerar l’invasiun dals mustgins. Ins pensa ch'ils mustgins vegnan si da l’aua, si da l’Aara. Tar las plantas n'hajan ins numnadamain chattà nagins indizis. E cun quai ch’ils mustgins vegnan si da l’aua na possian ins betg simplamain duvrar per exempel in med per squittar e far davent ils mustgins di Markus Weibel da la cità da Thun.

Per chattar ora tge insects che quai èn precis ha l’emissiun da televisiun «Schweiz Aktuell»purtà in per insects al professur da zoologia ed expert d'insects Christian Kropf.

I paran mustgas, èn dentant mustgins. Ma per fortuna na pizzian quels.
Autur: Christian Kropf Professur da zoologia ed expert d'insects

L’expert suppona ch'i ha tants mustgins causa las autas temperaturas. L’Aara è massa chauda. Ils peschs han massa chaud ed èn stressads e van en ils lieus pli fraids. Il mustgins n'han cun quai nagins inimis pli e pon sa sviluppar. Quant ditg che l'invasiun dura anc n'è anc betg da prevair.

Ma las temperaturas fraidas che stattan davant porta vegnan ad esser era la fin per l'invasiun dals mustgins. Fin lura èn da vesair anc in u l’auter al Mühleplatz a Thun a far ir si e giu e vi e nà la bratscha ed il mauns, a squassar il chau ni da far grimassa.

RR actualitad 12:00

Artitgels legids il pli savens