helveCHia - Ils «rasamäääääähers» da Basilea

Las 30 novas collavuraturas da la citad da Basilea èn nursas che mangian gugent plantas spinusas, cunzunt ils murers han ellas fitg gugent. E da quels hai ina pluna sin la prada selvadia dal santeri Hörnli a Basilea, il pli grond santeri in Svizra.

Per l’orticultura sajan ils collavuraturs sin quatter chommas in grond agid di Patrick Goepfert da l’orticultura da la citad da Basilea. Per ils ortulans saja quai stentus da lavurar cun pastg selvadi e per las nursas saja quai in plaschair.

audio

Mezdi: HelveCHia – Nursas enstagl da segapastget a Basilea

03:32 min, ord Actualitad dals 03.08.2017.

laschar ir. Durada: 3 minutas 32 Secundas.

Per la lavur che las nursas fan duvrassan quatter ortulans var tschintg dis. Las nursas dovran var 20 dis. En tut sa tracta quai d'ina surfatscha da 14’000 meters quadrat che vegnan elavuradas da las nursas.

Cumparegliaziun dals maletgs

Stuschar reglader a sanestraStuschar reglader a dretga

Legenda:Il pastg avant che la bescha va vi da la lavur…...e suneter la lavur.RTR / Fabia Caduff

Las nursas èn schizunt meglras che segapastgets, di il possessur da las nursas Michael Dieterle. Sche'ils ortulans seghian il pastg cun lur maschinas, sche lura vegn tut segà davent – era il spazi da viver per insects. Sche las nursas segan il pastg, lura stgaffeschian ellas spazi da vita per insects e plantinas.

Per l’ina laschan las nursas enavos excrements che procuran per novas plantas e per l’autra na maglian ellas betg tut, numnadamain mo quai che fa basegn e lascha uschia spazi per insects.

Dentant n'èn las nursas betg adattadas per pastgs cun plazzas da giugar ni auters pastgs che vegnan duvrads regularmain.

Maletg 1 / 6

Legenda: Las 30 nursas ch’èn en acziun a Basilea sin il santeri dal Hörnli. RTR, Fabia Caduff

Maletg 2 / 6

Legenda: Pit è il schef da la muntanera. RTR, Fabia Caduff

Maletg 3 / 6

Legenda: Michael Dieterle da Naturpflege GmbH e Patrick Goepfert da l'orticultura da la citad da Basilea. RTR, Fabia Caduff

Maletg 4 / 6

Legenda: Las nursas procuran ch'il pastg vegn segà senza ch'ils insects perdan lur dachasa. RTR, Fabia Caduff

Maletg 5 / 6

Legenda: Las nursas maglian era bostga, uschia che quella na crescha betg pli. RTR, Fabia Caduff

Maletg 6 / 6

Legenda: A sanestra eran las nursas vid la lavur e dretg betg. RTR, Fabia Caduff

Las nursas ch’èn en acziun èn nursas da skudda. Quai èn nursas che prefereschan plantas spinusas e plitost murers. En tut ha Michael Dieterle 70 nursas da skudda – 30 en acziun per la citad da Basilea. Igl è ina razza che era avant curt temp periclitada da murir ora.

Michael Dieterle vul cun sia tratga mantegnair las nursas. Dentant ha el anc autras razzas da nursas. Per mintga pastg dettia la gista razza, di Dieterle: quai saja sco cun ils differents models da segapastgets. Prender a fit las nursas, po tgi che vul da Michael Dieterle.

RR actualitad 11:00