Siglir tar il cuntegn
Inhalt

helveCHia Il luf a Berna

In è agressiv ed è pront per attatgar - el è nausch. Ma l’auter è amiaivel, el ri. El guarda charin uschia ch’ins vuless gist ir a stritgar el. Dus lufs empagliads cun duas cumparsas oppostas èn da vesair en il Museum alpin svizzer. Ma il char ed il nausch luf èn mo ils puncts da partenza da l'expo.

Legende: Video Exposiziun davart il luf en il Museum alpin a Berna abspielen. Laufzeit 00:45 Minuten.
Or da RTR dals 18.05.2017.

Tenor il curatur dal Museum alpin a Berna, Beat Häuchler, vegn il luf tractà dad in extrem a l’auter. Dentant giaja tut quai tranteren a perder. Il luf haja bler dapli fatschas che mo bun u nausch, pro e contra. A l’exposiziun ves’ins sco las datas dals lufs vegnan ramassadas e valitadas. Igl è d'udir l’istorgia da la persuna ch’analisescha ils gens dals fastizs dals lufs u quella da la dunna ch’empagliescha l’animal da rapina. Dentant èsi era da vesair e da badar sco che la tematica enturn il luf variescha tranter citad e champagna.

Tar il luf vegnian ensemen bleras tematicas ch’occupeschan era en auters lieus, sco per exempel il ramassar datas u las differenzas tranter citad e pajais. Dentant era la tematica da l’immigraziun: Quants lufs datti en Svizra? E quants vulain nus insumma? Avain nus tema da l’enconuschent? Co vegn el a midar noss mintgadi?

En sasez n'è quest betg in'exposiziun dal luf mabain in spievel da nossa societad.
Autur: Beat Hächlercuratur dal Museum alpin svizzer

La finamira da l’exposiziun saja ch'ils visitaders possian sa far in'atgna opiniuna davart il luf. Quai cun udir ils arguments pro e contra, però era tut las posiziuns u las istorgias tranteren. Sin ina paraid en il museum èsi pussaivel da s'exprimer davart il luf. En egl datti ch'ils blers han fatg in cor enturn il luf. Mo paucs èn tranteren u tar il luf ch’è stritga tras. Era qua manegia il curatur Beat Häuchler che quai saja ina differenza tranter citad e champagna. Fiss l’exposiziun en il Grischun u en il Vallais guardass la paraid probabel or auter.

Otg differentas istorgias èn dad udir a l’exposiziun. Quellas vegnan per gronda part dal Grischun u dal Vallais. Suttvart in per exempels or da l'exposiziun:

RR actualitad 12:00

Commentaris

Navigation aufklappen Navigation zuklappen

Vus essas annunzià sco Who ? (whoareyou) (Sortir)

Nus avain survegnì voss commentari e mattin el online suenter ina controlla

Bitte stimmen Sie den Datenschutzbestimmungen zu.
Tschiffar in commentari

Per plaschair guardaì Netiquette 500 segns èn anc disponibels

I è capità in errur. Per plaschair anc ina giada empruvar.

I n'ha dà anc nagins commentaris. Scrivai il prim commentari.