Siglir tar il cuntegn

Header

la baselgia destruida.
Legenda: Keystone.
cuntegn

Herzogenbuchsee BE La vischnanca senza baselgia

La notg da Nadal na vegnan ils abitants da Herzogenbuchsee en il chantun Berna betg ad emblidar uschè svelt. En quella notg ha numnadamain in grond fieu donnegia la baselgia che schai sin in crest a mez la vischnanca. 3 mais suenter l’incendi badan ins ch’insatge manca a la populaziun.

Durant la notg da Nadal 2019 brischa la baselgia refurmada a Herzogenbuchsee en il chantun Berna. Pertge, n’è fin ussa betg cumplettamain sclerì. Las autoritads supponan ch’igl è stà in defect tecnic u ina chandaila. Quai ch’è dentant cler: 3 mais suenter l’incendi lascha la populaziun plaunsieu encrescher per la baselgia che vegn il mument renovada.

Ils tuns dals zains mancan

Tar l’incendi è il clutger cun ils zains crudà ensemen. Intgins sa legran franc ch’i è ussa pli ruassaivel en la vischnanca. Auters dentant bitta quai ord il ritmus dal mintgadi. Ina possessura d’ina butia declera envers il schurnal regiunal da SRF ch’ils zains da mezdi sajan adina stà per ella il signal dad ir a gentar.

Da tuttas direcziuns hajan ins vesì bain il spitg da la baselgia. Quai manca ussa.
Autur: Abitanta da Herzogenbuchsee

Era per las persunas che na van betg savens a mesa è quai ina sperdita declera la plevonessa Sophie Matschat. La baselgia sveglia per tuts regurdientschas cunquai che blers abitants hajan celebrà lur batten, confirmaziun ni maridaglia en questa baselgia.

Cumparegliaziun dals maletgs

Stuschar reglader a sanestra Stuschar reglader a dretga
Legenda:La destrucziun dal clutgerKeystone.

A la fin dal onn duajan las lavurs da renovaziun esser cumplettadas. La finamira èsi dad arvir las portas puspè exact in onn pli tard numnadamain per la messa da Nadalnotg.

RTR HelveCHia 11:00

Artitgels legids il pli savens

Scrollar a sanestra Scrollar a dretga