Siglir tar il cuntegn
cuntegn

helveCHia Emprestar e betg cumprar – La «Leihbar» a Berna

Cumprar chaussas è «out» (almain a Berna). Dapi dacurt datti en la citad da Berna ina bar d'emprest. En il sortiment da varga 100 products chattan ins maschinas da furar, funtaunas da tschigulatta u era chalzers da naiv.

Legenda: Tadlar il audio Mezdi: HelveCHia – La bar d'emprest a Berna. Durada 02:12 minutas.
02:12 min, Actualitad dals 06.12.2018.

Dapi dacurt datti il project da pilot «Leihbar» a Berna. Il concept è simpel e funcziunescha sumegliant sco ina biblioteca. Ins va ad emprestar la chaussa ch'ins dovra e la porta suenter l'utilisaziun puspè enavos.

Il sortiment è concepì spezialmain uschia ch'i dat da mintga sparta in pèr products ch'ins dovra sin il pli ina u duas giadas ad onn. Per exempel ina funtauna da tschigulatta u maschinas da furar. Quatras n'han ins betg da cumprar chaussas ch'ins dovra darar. Quai fa bain a l'ambient ed a la bursa.

L'entschatta è gartegiada

La fundaziun da protecziun da consuments aveva lantschà il project sco project da «Crowdfunding». Curt suenter han els gì radund 200 simpatisants ch'han sustegnì il project. Latiers vegnan anc 30 voluntaris che vegnan en il futur a mantegnair la bar. Finanzià vegn la bar d'emprest tras abunaments mensils.

RR actualitad 11:00