Siglir tar il cuntegn
Inhalt

helveCHia «Dialetto di Castro» – Spezialissima!

Atgnamain avain nus tschertgà in connex tranter ils frars Castro da la Cuba ed il num dal vitget Castro en la Val dal Blegn. Quel n'avain nus betg chattà. Per la paja in dialect fitg interessant.

Inscripziun en ina chasa a Castro.
Legenda: RTR, Flurin Clalüna

Il dialect tuna sumegliant sco ina maschaida da talian, rumantsch u era franzos. Tenor il Lexicon istoric da la Svizra è il dialect en la Val dal Blegn parent cun il «lumpaart» (lingua da la Lumbardia). Vinavant haja la glieud en la regiun prendì divers pleds rumantschs e tudestgs, cunquai ch'els avevan adina puspè contact cun glieud da la Surselva e da la Svizra tudestga.

Exempel

Francesca Vescovi di en quest exempel: «Gnanca in pau vain nus fatg, nagut avain nus fatg. Nus avain be giugà, co d'in ins a «sculdas». Jau na savess betg sco declerar quai.»

Vitg cun 80 abitants

Castro sa chatta en la Val dal Blegn. Il vitget ha bunamain 80 abitants. Fin il 2004 era Castro in'atgna vischnanca. Dapi lura fa ella part da la vischnanca dad Aquarossa.

Actualitad 12:00