Siglir tar il cuntegn

Header

cuntegn

helveCHia Crowdfunding per vuschs e daners

Il Chor Rumantsch Zug ha da stad tschertgà novs chantadurs ed sustegn finanzial. Sin la plattafurma «lokalhelden.ch» han els il fanadur lantschà ina campagna da crowdfunding per cuntanscher lur finamira – e la campagna ha gì success.

6'000 francs 14 novs chantadurs èn vegnids ensemen tras «localhelden.ch».

Per il president dal Chor Rumantsch Zug Corsin Derungs in motiv da traglischar. Ils novs chantadurs vegnan per gronda part dad auters chors en la regiun. Tschintg èn schizunt da Lucerna. Sbassar la media dal Chor Rumantsch Zug n'è dentant betg gartegià. En media èn ils chantadurs gia sur 70 onns.

La pagina da la campagna dal Chor Rumantsch Zug
Legenda: La campagna dal Chor Rumantsch Zug. localhelden.ch
audio
Mezdi: HelveCHia: Chor da Rumantschs a Zug ha chattà daners e chantadurs
ord Actualitad dals 07.12.2017.
laschar ir. Durada: 2 minutas 8 Secundas.

Novs chantadurs, nov project

Ils chantadurs ch'els ha tschertgà fan lura part ad in project da chor ad hoc. Ensemen cun chantadurs dal chor exerciteschan els per in concert la primavaira. Las provas han lieu mintga duas emnas a Baar. suenter il concert è il project a fin. Igl è dimena ina buna schanza per quels umens che n'han betg temp per chantar l'entir onn. Sper il chor ad hoc va vinavant il normal Chor Rumantsch. Quel exercitesch per concerts e festas durant l'entir onn. La mira èsi però ch'in u l'auter dal chor ad hoc va era en il «dretg» Chor Rumantsch Zug.

Segir anc pliras campagnas

Per Corsin Derungs èsi cler: sch'el fa anc ina giada en quella furma lura fa el era anc ina giada in crowdfunding. Dal success da questa giada spera el era.

Artitgels legids il pli savens