Siglir tar il cuntegn
Inhalt

helveCHia Chor Rumantsch Zug: Nov concept per novs chantadurs

Il Chor Rumantsch Zug ha in problem. Il mument dumbra el anc rodund 30 commembers, la media da vegliadetgna è dentant tar rodund 70 onns. Il problem è che novs commembers er pli giuvens mancan. Per carmalar novs chantadurs a Zug datti uss in nov concept.

Il Chor Rumantsch Zug.
Legenda: Il Chor Rumantsch Zug. MAD

Il concept dal Chor Rumantsch Zug ha gia ina giada funcziunà, uschia Corsin Derungs il president dal chor. Gia avant trais onns, tar il concert cun ils Fränzlis da Tschlin, hajan els inizià in chor ad hoc. Cun quai èsi grategià ad els da carmalar 16 chantadurs, sis dad els èn restads stabel en il chor.

Giuvens mancan

Uss duai quai anc ina giada grategiar. Il chor ha planisà in concert la primavaira 2018. Per realisar quel vulan els anc ina giada carmalar novs chantadurs en in chor ad hoc cun la speranza che in u l'auter da quels resta lura er stabel. Giavischads fissan cunzunt chantadurs pli giuvens, 40 plus. Quai saja per el gia giuven, uschia Corsin Derungs, cunquai che la media da vegliadetgna saja il mument tar radund 70 onns. Dentant cler, er chantadurs anc pli giuvens sajan bainvegnids tar il Chor Rumantsch Zug.

RR actualitad 11:00