Siglir tar il cuntegn

Header

cuntegn

Svizra Helene Fischer a Turitg

La chantadura da schlagher dat 5 concerts en il Hallenstadion a Turitg. RTR ha visità l'emprim.

Helene Fischer dat sin la turnea actuala 69 concerts en 14 differentas citads – tschintg da quels a Turitg. Ier saira, ils 24 d'october ha gì lieu la premiera da la seria dals concerts.

La show da la schlagher-queen ha cuzzà trais uras e 20 minutas. Durant il concert han ins pudì vesair differents elements spectaculars. Varga 20 sautunz han accumpagnà la chantadura e procurà per ina energia enorma. La chantadura tudestga è pliras giadas stada fermada vid sugas ed ha chantà durant far acrobatica en l'aria – e quai tut live.

Passa sis differents outfits han ins pudì guardar vid la chantadura cun ragischs russas. Cun 33 onns è Helene sin ses punct culminant. Las 5 shows a Turitg en tuttas vendidas ora.

 Foto da Darya, in fan
Legenda: grond fan da Helene Fischer - Darya dal chantun Argovia, ella visita tuts ils 5 concerts a Turitg. RTR

Noss reporter e moderatur Ivo Orlik è privat in fan da la musica da hip hop. El ha visità per RTR il concert da Helene Fischer. Sia finamira è sta, da daventar in fan da Helene Fischer.

Nus avain era pudì discurrer cun in grond fan da Helene Fischer. Darya (22) dal chantun Argovia. Ella visita tuts ils 5 concerts a Turitg. Nus avain discurrì cun ella.

RR Famus e glorius 10.30

Artitgels legids il pli savens