L'ovra d'agid da las baselgias envangelicas en Svizra HEKS ha sustegnì l'onn passà projects en Svizra ed ulteriurs 33 pajais cun passa 73 milliuns francs. Tut en tut hajan ins uschia pudì gidar radund 1 milliun persunas communitgescha la HEKS.
La gronda part dals daners derivian da donaziuns (26,2 milliuns francs) e radund 15,5 milliuns da Confederaziun, chantuns e vischnancas. Per projects a l'exteriur ha la HEKS impundì radund 42 milliuns francs e 30 milliuns èn ids a projects d'integraziun e da fugitivs en Svizra.
La cumpart dals custs d'administraziun a las expensas totalas (83,4 milliuns francs) è stà l'onn passà sin 12,7%.
