Siglir tar il cuntegn

Svizra Heinz Brand annunzià sco candidat per il Cussegl federal

Il Cusseglier naziunal Heinz Brand vala sco candidat per il Cussegl federal. La PPS grischuna haja annunzià el a bucca tar la cumissiun responsabla da la PPS Svizra, scriva la gasetta «Schweiz am Sonntag» sa referind sin funtaunas independentas da la PPS. Heinz Brand n'ha betg confermà quai.

Il Cusseglier naziunal da la PPS, Heinz Brand.
Legenda: Il Cusseglier naziunal da la PPS, Heinz Brand. Keystone

Ses uffizi sco president da la PPS grischuna ha Brand entant sistì per separar cleramain las obligaziuns, sco quai ch’il presidi communitgescha. Ad interim surpiglia il vice-president Andrea Davaz questa funcziun. Tenor Davaz n'èn las elecziuns dal Cussegl federal nagin tema il mument. Els veglian sa concentrar dal tuttafatg sin las elecziuns parlamentaras.

RR novitads 06:00