L'administratur da facultad svizzer Hedgefonds RBR Capital ha l’intenziun d’augmentar sia quota vi da la Credit Suisse sin 1 milliarda francs. Quai ha ditg Rudolf Bohli, il schef da la firma, en in’ intervista cun l’agentura da novitads Reuters. Bohli ha proponì ina nova strategia per la CS. El vul divider la banca svizra en 3 parts ed uschia dublar la valur da la CS a la bursa sin radund 80 milliardas francs. Envers la gasetta Tages-Anzeiger ha Bohli explitgà che la CS stuess per realisar ils plans stritgar 5'000 fin 6'000 plazzas. Bleras fatschentas da la CS na sajan betg pli rentablas.
La CS ha ditg sin quai, ch’ella veglia star tar la strategia d’enfin qua. Il hedgefonds da Bohli ha il mument 100 milliuns francs en furma dad aczias da la banca gronda.
El veglia augmentar sia part e cun quai sia influenza – uschia Bohli.
RR novitads 06:00