Siglir tar il cuntegn
cuntegn

Svizra Hansjörg Walter sa retira sco cusseglier naziunal

Suenter 18 onns en uffizi sco cusseglier naziunal sa retira Hansjörg Walter (PPS/TG). Ils 26 da november amez la legislatura vegnia el a sa retrair dal uffizi, uschia Walter sin sia pagina d’internet.

Hansjörg Walter
Legenda: Hansjörg Walter il quasi cusseglier federal è stà 18 onns en la politica naziunala. Keystone

Hansjörg Walter è stà 12 onns president da l’Uniun purila svizra. En l’istorgia va el dentant sco quasi-cusseglier federal. Sulet ina vusch mancava a Walter per daventar il 2008 cusseglier federal. Uschia era Walter vegni purtà sco cuntracandidat al candidat uffizial dal PPS Ueli Maurer. Ma gia avant l’elecziun aveva Walter communitgà ch’el na laschia betg tegnair tar ina eventuala elecziun. Il 2011/2012 è Walter stà president dal Cussegl naziunal.

RR novitads 12:00