Siglir tar il cuntegn

Header

cuntegn

Svizra Hackers attatgeschan DDPS e Ruag

Suenter las attatgas da cyber sin il concern d'armaziun RUAG ha il Cussegl federal decis 14 mesiras per sminuir la ristga per l'enguladitsch da datas. Quai ha el confermà en ina communicaziun. Detagls n'ha el però betg dà enconuschent.

Las mesiras ha il Cussegl federal gia decis ils 23 da mars. Il minister da defensiun Guy Parmelin ha plinavant instradà ina task force. La gruppa ha l'incumbensa da prender mesiras immediatas per proteger il Departament da defensiun DDPS da ristgas.

Adina dapli attatgas electonicas

Fin uss n’haja quai dà nagins donns vi dals sistems d’informatica dal DDPS u da la Confederaziun. Las lavurs da la task force cuntinueschian. Tenor il communiqué ed emprimas enconuschientschas dal servetsch d’infurmaziun hajan las attatgas da cyber gia cumenzà il december 2014.

Il DDPS ha fatg attent che la Confederaziun saja daventada pli savens l’unfrenda d’attatgas da cyber ils ultims onns. Il Departament da l’exteriur saja vegnì attatgà trais giadas aifer tschintg onns.

RR novitads 16:00

Artitgels legids il pli savens