H+ publitgescha brev averta a Berset

Sin il di naziunal da la Svizra ha l'Uniun d'ospitals svizzers, H+ publitgà ina brev averta al cusseglier federal Alain Berset.

Ina visita da medi en ina stanza d'ospital.

Legenda da maletgs: Betg spargnar sin donn e cust dals pazients. Keystone

Cusseglier federal Alain Berset na duai betg periclitar il provediment da sanadad – che lavura per il profit dal pazient – quest appel fa l’Uniun dals ospitals svizzers H+. Il di naziunal svizzer tematisescha H+ las midadas en las structuras da tariffa TARMED, ch’il Cussegl federal vul decider quest mais. Midadas sco limitar il tractament ordinari sin 20 minutas. Talas midadas restrenschessan teno0r H+ massivamain la qualitad dal tractament per ils pazients.

Avant in temp aveva Berset annunzià da proponer al Cussegl federal midadas vi da las tariffas da medis. H+ argumentescha cun trais cas concrets, tge influenza negativa che las midadas avessan per ils pazients e las pazientas. E l’organisaziun pretenda ch’il Cussegl federal desistia d’ina intervenziun en las structuras da tariffa e na restrenschia betg il temp d’ina consultaziun sin 20 minutas.

RR novitads 11:00