En la dispita da tariffa per prestaziuns da medis ambulantas dat l’Associaziun d’ospitals H+ suenter al Cussegl federal. H+ na desdi betg la cunvegna da tariffa da medis Tarmed sin la fin da quest onn. Bernhard Wegmüller, il directur da H+ ha confermà in rapport correspundent da la «Berner Zeitung».
Wegmüller è plain speranza ch’ils discurs tranter ospitals, medis e cassas da malsauns per ina nova tariffa da medis pudessan esser terminads fin la fin d'october. Tenor plan valess la nova tariffa davent dal 2018. Tar la tariffa actuala n’èn betg tut ils pretschs pli à jour.
RR novitads 17:00