La Svizra saja semtgada bain per in'eventuala mancanza da gas ed electricitad. Quai ha ditg il cusseglier federal Guy Parmelin envers la «Neue Zürcher Zeitung». Sche la Svizra na survegnia betg pli avunda gas, stoppia la populaziun sbassar il consum d'electricitad. Gia stgaudar in grad pli pauc pudessia sbassar il consum fermamain, uschia Parmelin. Plinavant stoppian interpresas midar sin ieli, nua ch'i fiss pussaivel. Contigentar consuments gronds avessia dentant consequenzas gravantas per l'economia e la societad. Il medem temp ina mancanza d'electricitad temp fiss bain ina sfida – la Svizra na saja dentant betg dal tut dependenta da l'exteriur. Il consum da gas vegnia dentant cuvert dal tuttafatg d'imports.
audio
Las novitads da las 08:00
ord RTR Audio dals 13.06.2022.
laschar ir. Durada: 5 minutas 38 Secundas.
