Siglir tar il cuntegn
Inhalt

Svizra Gusts da 15 differentas naziuns - la cuschina dal Circus Knie

Da quai da 150 umens e dunnas, lavurers, artists ed artistas gidan mintgamai a bajegiar si il vitget da circus cun la tenda gronda, il zoo ubain l'entrada per ils aspectaturs e las aspectaturas

Il schefcuschinier Nuor Eddinne Ouluda en cuschina.
Legenda: Il schefcuschinier Nuor Eddinne Ouluda sto resguardar blers gusts. RTR, G.G. Flepp

150 persunas che lavuran han fom e perquai ha il vitget da circus er in'atgna cuschina per tut quels che n'han betg la pussaivladad da cuschinar sezs en las rulottas.

Il schefcuschinier Nuor Eddinne Ouluda che deriva oriundamain dal Maroc stat quest onn gia per la 29avla giada en cuschina dal Circus Knie. E lungurus n'ha el mai.

Mintga di da mezdi datti dus menus ch'èn adattads a las differentas culturas en il vitg da circus. Ina giada datti cuscus per ils Marocans, l'autra giada bortg per ils Russ ubain rösti cun ov brassà e charniez per ils Svizzers.

La cuschina dal circus en cifras (per sesiun - da fin mars enfin la fin november):

  • ·ca. 43'000 spisas principalas
  • ·ca. 22'000 solvers
  • ·ca. 5000 marendas