Siglir tar il cuntegn
Inhalt

Svizra Gulivaziun da finanzas: Grischun survegn 2 milliuns dapli

Il chantun Grischun survegn bundant 2 milliuns dapli per il 2019 da la gulivaziun da finanzas. En tut passa 270 milliuns francs. Quai tenor las calculaziuns da l'Administraziun federala da finanzas.

Entrada da la Administraziun federala da finanzas cun inscripziun en diversas linguas.
Legenda: Il chantun Grischun duess survegnir radund 2 milliuns dapli or da la gulivaziun da finanzas. Keystone

Ils 2 milliuns dapli ch'il chantun Grischun survegn, sajan d’engraziar a la buna dinamica dals chantuns donaturs, uschè hai num da la vart dal departament da finanzas dal chantun Grischun. La summa calculada, saja quella ch’ins haja spetgà ed uschia saja il chantun Grischun fitg stabil. Il chantun Grischun survegn cun 270 milliuns francs radund 2 milliuns dapli che quest onn.

Turitg paja dapli e Berna survegn damain

Il chantuns donaturs sco Turitg, Zug e Genevra pajan l'auter onn dapli a la gulivaziun da finanzas che quest onn. Tut en tut munta la summa da gulivaziun a 5,2 milliardas francs. Il pli bler paja Turitg cun bunamain 490 milliuns francs . Per abitant il pli bler paja il chantun Zug.

Il chantun che survegn ils pli blers daners ord la gulivaziun resta Berna cun 1,2 milliardas francs. Ils chantuns pon ussa prender posiziun tar las cifras publitgadas e suenter poi anc dar midadas.

RR novitads 11:00