Il schef da l'exteriur fin ussa, Eric Gujer, surpiglia per immediat la sutga dal chauredactur da la NZZ. Quai communitgescha la gruppa da medias NZZ. Gujer succeda uschia a Markus Spillmann ch'è sa retratg la fin dal 2014.
Gujer lavura dapi bunamain 30 onns per la NZZ. Il 1986 ha el cumenzà sco praticant e collavuratur liber. Pli tard ha el rapportà da l'exteriur - tranter auter è el stà correspundent per la DDR.
RR novitads 12:00