Svizra - Gudogn supplementar grazia a tschains negativs
Grazia als tschains negativs quinta la Banca naziunala svizra cun in gudogn supplementar da 1,2 milliardas francs. Cun quest gudogn vegnian ins a cumpensar perditas eventualas tar devisas, aczias u reservas d'aur, communitgescha la Banca naziunala.
In plus probabel vegnia ella u a pajar a la Confederaziun ed als chantuns u ch'ella fetschia reservas. Bancas ed auters instituts da finanzas han il mument deponì tar la Banca naziunala radund 450 milliardas francs. Dapi il schaner ston quels pajar in tschains negativ a partir dad ina tscherta summa.
