DegustaturAs da tut la Svizra sa reuneschan quests dis a Berna per degustar spirituosas. Els furman la giuria che premiescha ils megliers schnaps svizzers. Judith Brunschwiler è ina dad ellas. Dapi passa 20 onns è ella experta tge che pertutga spirituosas.
Bunura: DegustaturAs sa reuneschan a Berna per degustar spirituosas
03:48 min, ord Actualitad dals 26.04.2017.
laschar ir. Durada: 3 minutas 48 Secundas.
Sch’ins entra en la stanza da degustaziun a Berna sche vegn encunter ina nivla dad alcohol. Experts da tut la Svizra degusteschan da bun’ura enfin saira var 40 differentas spirituosas. Dentant na vegn bavì nagina. I vegn guardà e valità la colur, i vegn savurà, l’alcohol vegn piglià en bucca, dentant betg stranglà mabain puspè spidà ora. Quai saja impurtant per ch’ins na survegn betg ina sturna declera Judith Brunschwiler. Era èsi da mangiar adina puspè paun e baiver bler’aua per ch’ins possa valitar las differentas spirituosas objectivamain. La dunna da 51 onns è experta tge che pertutga spirituosas, ella sez maina era sia atgna destillaria.
Per vegnir degustatura vuli en emprima lingia passiun per la chaussa e per la tradiziun da spirituosas.
En sasez n'ha Judith Brunschwiler mai gì da far cun spirituosas. Ella aveva perfin ina nauscha associaziun cun l'alcohol. Dentant ha ella maridà en ina famiglia da destillaturs ed è uschia vegnida sin il gust. Oz vesa ella las spirituosas sco tradiziun ed artisanadi.
1 / 11
Legenda:
I vegn savurà...
RTR, Adrian Camartin
2 / 11
Legenda:
I vegn degustà...
RTR, Adrian Camartin
3 / 11
Legenda:
I vegn guardà...
RTR, Adrian Camartin
4 / 11
Legenda:
xxxxx
Ed i vegn valità...
RTR, Fabia Caduff
5 / 11
Legenda:
40 differentas spirituosas vegnan degustadas en in di.
RTR, Adrian Camartin
6 / 11
Legenda:
En tut èn 504 differentas spirituosas vegnidas inoltradas da 97 differents destillaturs.
RTR, Adrian Camartin
7 / 11
Legenda:
La giuria na po betg entrar là nua che las spirituosas vegnan preparadas per servir.
RTR, Fabia Caduff
8 / 11
Legenda:
Serviturs guardan che mintgin survegn da mintgin e che las spirituosas restan anonimas per ils giurors.
RTR, Fabia Caduff
9 / 11
Legenda:
In di che la spirituosa gusta il meglier sche ella vegn emplenida fin nua che il magiel e il pli lartg.
RTR, Adrian Camartin
10 / 11
Legenda:
Ils giurors èn partids si en gruppas da quatter persunas. Sche pussaivel è adina tiers ina dunna e las persunas vegnan da differents lieus da la Svizra.
RTR, Fabia Caduff
11 / 11
Legenda:
Il schef da la gruppa survegn ils resultats dals collegas da team sin il computer e là vegn notà il resultat final.
RTR, Adrian Camartin
Il settember vegnan premiadas las meglras spirituosas svizras, degustadas vegnan ellas dentant gia uss. 504 differentas spirituosas èn vegnidas inoltradas da 97 differents destillaturs.
