Siglir tar il cuntegn
Inhalt

Svizra Gsoa vul sepulir jets da cumbat en l'urna

La Gruppa per ina Svizra senza armada Gsoa vegn definitiv a prender il referendum cunter la cumpra da novs jets da cumbat, sch'il parlament suonda als plans dal cussegl federal.

Activists vulan deponar modell da jet da palipri en in'urna.
Legenda: Sepulir la cumpria da nov jets da cumbat a l'urna – la Gsoa inscenescha lur messadi politic da la dumengia per ils fotografs. Keystone

Questa decisiun ha la Gruppa per ina Svizra senza armada Gsoa prendì unanimamain a sia radunanza generala la dumengia a Solothurn.

La varianta ch'il Cussegl federal propona saja dispitaivla ord vista da la politica democratica. Al departament militar vegnia numnadamain dà in blanco-schec dad 8 milliardas francs, sa lascha citar il secretari da la Gsoa Lewin Lempert.

Latiers ha la GsoA deliberà ina resoluziun davart ils engaschis da l'armada svizra en l'exteriur. La participaziun ad operaziuns en l'exteriur mainia a dapli conflicts e betg a dapli stabilitad, scriva ella.

RR novitads 14:00