Siglir tar il cuntegn

Svizra GSOA vul scumond da finanziar material da guerra

La Gruppa per ina Svizra senz’armada «GSOA» vul lantschar in’ulteriur’iniziativa davart material da guerra. Questa giada vul a GSOA scumandar la finanziaziun ed uschia impedir che la plazza da finanzas svizra saja anc pli fitg involvida en ils affars da concerns da guerra internaziunals.

In’iniziativa davart in scumond d’exportar material da guerra aveva fatg naufragi il 2009 (maletg d'archiv).
Legenda: In’iniziativa da la GSOA davart in scumond d’exportar material da guerra aveva fatg naufragi il 2009 (maletg d'archiv). Keystone

La GSOA vul lantschar l’iniziativa davart la finanziaziun da material da guerra la primavaira 2017. Quai ha la GSOA decis da sia radunanza generala a Soloturn.

I disturba la GSOA ch'instituts da finanzas sco bancas e cassas da pensiun investeschian para milliardas en l'industria atomara e d'armament.

Clients èn senza controlla da lur facultad

Cun l’iniziativa vul l’organisaziun impedir che la plazza da finanzas svizra saja anc pli fitg involvida en ils affars da concerns da guerra internaziunals. La fin finala vul l’iniziativa scumandar la finanziaziun da material da guerra.

Sco la GSOA scriva, saja quai in «scandal» ch’er las cassas da pensiun investeschian en interpresas d’armament. Ils assicurads na possian betg decider sez, schebain lur facultad vegnia investida en material da guerra. Ord questa raschun vegnia quai gia a dar questa stad iniziativas communalas en diversas citads.

RR novitads 16:00