Siglir tar il cuntegn
Inhalt

Svizra GSoA vul scumandar commerzi cun armas

La Gruppa per ina Svizra senz’armada «GSOA» vul lantschar in’ulteriur’iniziativa davart material da guerra.

Purtret d'in tanc da l'armada svizra.
Legenda: La Svizra saja participada vid la miseria che capita sin il mund entras guerras. Keystone

La Gruppa per ina Svizra senz’armada «GSOA» vul lantschar in’ulteriura iniziativa davart material da guerra. Questa giada vul la GSOA scumandar la finanziaziun ed uschia impedir che la plazza da finanzas svizra saja anc pli fitg involvida en ils affars da concerns da guerra internaziunals. Quai ha l’organisaziun decis unanimamain da sia radunanza generala a Soloturn.

Fertant che milliuns da carstgauns sajan sin la fugia da guerra e miseria, marschian las fatschentas cun material da guerra cun tutta forza. Er la plazza da finanzas da la Svizra gioghia là ina rolla dispitaivla. L'industria d'armament profiteschia da conflicts e pegiureschia anc quels cun furnir armas. L'iniziativa cumbattia precis quai.

L'iniziativa che la GSoA lantschescha duai scumandar a la Banca naziunala svizra ed a las cassas da pensiun d'investir en l'industria d'armament. La Confederaziun duai plinavant er promover talas finamiras per bancas e segiradas.

La GSOA vul lantschar l’iniziativa davart la finanziaziun da material da guerra ils 11 d’avrigl 2017. Quai ensemen cun bunamain 40 ulteriuras organisaziuns.

RR novitads 15:00