Gruppa NZZ fa dapli gudogn

La gruppa da medias da la NZZ ha fatg l’emprima mesadad da l’onn in gudogn da bunamain 13 milliuns francs. Cumpareglià cun la medema perioda da l’onn passà è quai in plus da 7%. Dentant è la svieuta sa reducida per 3% sin 211 milliuns francs.

vista sin ina maschina che stampa la Neue Zürcher Zeitung

Legenda da maletgs: La gruppa NZZ ha nudà damain entradas da reclama. Keystone

Las entradas da reclama sajan sa reducidas anc pli fitg che spetgà, numnadamain per 11%. Quai ha communitgà la gruppa da medias da la NZZ. Pli cuntentaivlas sajan las entradas dal martgà da lecturs e nizzegiaders. Restadas stabilas èn las entradas ord abunaments, vendita singula, occurrenzas u autras fatschentas. La segunda mesadad da l’onn vul la gruppa investir dapli en novas ed optimadas purschidas.

RR novitads 20:00