Siglir tar il cuntegn

Header

Navigaziun

Luf en la naiv.
Legenda: Il luf è in animal da rapina ord la famiglia da chauns. Keystone
cuntegn

Svizra Gruppa Luf Svizra: Lufs vegnian carmalads

Ils lufs dal Calanda vegnan carmalads, uschia saja il motiv da sajettar els senza muntada. Quai scriva l'organisaziun Gruppa Luf Svizra.

Retschertgas dad SRF Rundschau ed atgnas scuvertas da la Gruppa Luf mussian, ch’ils lufs vegnian carmalads en la vischinanza da vitgs entras plazzas d'estgas per vulps sco era entras dismessas da cadavers. L'avischinaziun dals lufs al carstgaun saja provocada e na succedia uschia betg ord atgna iniziativa dals lufs.

L'argument da sajettar dus lufs giuvens perquai ch'els teman memia pauc il carstgaun na saja perquai betg valaivel, uschia scriva la Gruppa Luf Svizra.

Brosi refusa la rinfatscha

L'inspectur da chatscha grischun, Georg Brosi, refusa la rinfatscha. Ils lufs na vegnian betg carmalads da las plazzas d'estgas mabain da ruments en general, saja quai la mundadira betg dismessa correctamain, ils rests da mangiativas bittads davent u er in paun da pausa d'in scolaret.

RR novitads 11.00