Siglir tar il cuntegn

Svizra Grounding per tschintg da las F/A 18

L'armada svizra ha terminà las controllas vi dals aviuns da cumbat F/A 18. Quellas han mussà che tschintg dals 30 aviuns han problems cun il scharnier dad ina aletta d'atterar. Questas maschinas restian perquai per terra, scriva l'armada en ina communicaziun.

Purtret d'aviuns dal tip F/A 18.
Legenda: Aviuns dal tip F/A 18 pertutgà, che na pon betg pli sgular. Keystone

Il servetsch da polizia aviatic da 24 uras sco era ils engaschaments da l'aviatica militara sajan dentant vinavant garantids. Naginas consequenzas haja la mancanza dals tschintg aviuns il mument era per la scolaziun ed il trenament dals pilots. Tge consequenzas che la scuverta dals donns vi dals scharniers pon avair a vista media, possian els pir giuditgar suenter che tuttas analisas sajan fatgas, scriva l'armada svizra.

I na saja er anc betg cler sche las parts donnegiadas ston vegnir remplazzadas, quant che quai custass e cura ch'ils tschintg aviuns dal tip F/A 18 ch'èn pertutgads dals donns pon puspè sgular.

RR novitads 17:00